Գերմանիան ՌԴ-ի դեմ պատժամիջոցների պատճառով կալանել է միլիարդատեր Ալիշեր Ուսմանովի՝ 600 մլն դոլար արժողությամբ շքեղ զբոսանավը. Forbes
Գերմանիայի իշխանությունները Համբուրգում կալանել են ռուսաստանցի միլիարդատեր Ալիշեր Ուսմանովի շքեղ զբոսանավը: Պատճառն այն է, որ Ուսմանովը հայտնվել է ԵՄ պատժամիջոցների տակ, հայտնում է Forbes-ը՝ վկայակոչելով զբոսանավերի բիզնեսի երեք աղբյուր:
Խոսքը գրեթե 600 միլիոն դոլար արժողությամբ 156 մետրանոց Dilbar զբոսանավի մասին է։
Ուսմանովը ռուսաստանցի այլ խոշոր գործարարների հետ միասին ընդգրկվել է պատժամիջոցների ցուցակում՝ կապված Ուկրաինայում Ռուսաստանի հատուկ ռազմական գործողության իրականցման հետ:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։










