Գերագույն Ռադան դիմել է ՄԱԿ-ին և այլ միջազգային կազմակերպություններին` Ուկրաինա խաղաղապահներ մտցնելու խնդրանքով
Ուկրաինայի Գերագույն Ռադան դիմել է ՄԱԿ-ին և այլ միջազգային կազմակերպություններին` երկիր խաղաղապահներ մտցնելու խնդրանքով:
Պատգամավորները խնդրում են Համաշխարհային կազմակերպության գլխավոր քարտուղար Անտոնիո Գուտերեշին միջնորդել հակամարտության կարգավորման հարցում։
Ինչպես գրում է news.ru-ն, այս մասին ասվում է Telegram-ի ալիքում խորհրդարանի հաղորդագրության մեջ։
«Խորհրդարանը պաշտպանել է ՄԱԿ-ին, ԿԽՄԿ-ին, Եվրախորհրդարանին, միջազգային կազմակերպություններին ուղղված կոչը… Ինչ է Գերագույն Ռադան պահանջում համաշխարհային հանրությունից. Ուկրաինա մտցնել խաղաղապահ ուժերի ՄԱԿ-ի Գլխավոր ասամբլեայի «Միավորում հանուն խաղաղության» 1950 թվականի նոյեմբերի 3-ի բանաձևի հիման վրա»,-ասվում է ուղերձում։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։










