Լոնդոնում ցուցարարները Ուկրաինայի դրոշով ներխուժել են օլիգարխ Օլեգ Դերիպասկայի՝ 50 միլիոն ֆունտ ստերլինգ արժողությամբ առանձնատուն (լուսանկարներ)

15:32 • 14.03.22

Ուկրաինային աջակցող ցուցարարները ներխուժել են ռուսաստանցի օլիգարխ Օլեգ Դերիպասկայի՝ Լոնդոնի էլիտար Բելգրավիա թաղամասում գտնվող  50 միլիոն ֆունտ ստերլինգ արժողությամբ շքեղ առանձնատուն:

Ինչպես գրում է Daily Mail-ը, նրանք կեսգիշերից հետո ներխուժել են տուն և կախել ուկրաինական դրոշներ ու պաստառներ՝ «Այս գույքն ազատագրվել է» գրությամբ և ՌԴ նախագահ Վլադիմիր Պուտինի հասցեին հայհոյանքներով:

Դեպքի վայր ժամանած ոստիկանները պարզել են, որ մի քանի հոգի ներխուժել է ներս և պաստառներ կախել վերևի պատուհաններից:

Դերիպասկան խորը կապեր ունի բրիտանական իսթեբլիշմենթի հետ, սակայն անցյալ հինգշաբթի հայտարարված պատժամիջոցների արդյունքում նրա ակտիվները սառեցվել են, արգելք է սահմանվել անհատների և ձեռնարկությունների հետ Մեծ Բրիտանիայում ցանկացած գործարքի համար։ Մեծահարուստը պնդում է, որ «չկան փաստեր», որոնք արդարացնում են այս միջոցները և խոստացել է դրանք վիճարկել դատարանում:

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:

Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։

Ի պատասխան Արևմուտքը սահմանել է նոր հակառուսական պատժամիջոցներ: Մասնավորապես, դրա ներքո են հայտնվել մի քանի խոշորագույն բանկեր, ներառյալ «Սբերբանկ»-ը և ՎՏԲ-ն: Եվրամիությունը, ԱՄՆ-ն, Կանադան և մի շարք այլ երկրներ երկինքը փակել են Ռուսաստանի ինքնաթիռների համար: Մի շարք պետական ընկերությունների համար դժվարացել են օտարերկրյա կապիտալի ներգրավման հնարավորությունները: Պատժամիջոցներ են սահմանվել բարձրտեխնոլոգիական ապրանքներ Ռուսաստան մատակարարելու վրա:

The mansion belongs to the family of Oleg Deripaska, one of seven oligarchs to be sanctioned by the UK government last week for having 'blood on their hands'5 Belgrave Square is considered London's most expensive terraced house, and previously belonged to the society diarist Sir Henry 'Chips' Channon MPPro-Ukraine protesters raised their fists and chanted anti-Putin slogans during this morning's protest in BelgraviaSeveral police vehicles remained outside 5 Belgrave Square this morning, with officers saying they were 'maintaining a presence' at the addressAn activist raises his fist above a banner reading 'Putin go f*** yourself'. Oleg Deripaska is known to have been close with the Russian autocrat