«Ամեն ինչ կվերականգնենք՝ յուրաքանչյուր փողոց, յուրաքանչյուր բնակարան». Զելենսկին ցույց է տվել պատերազմի հետևանքները (լուսանկարներ)
Ուկրաինայի նախագահ Վլադիմիր Զելենսկին իր պաշտոնական ֆեյսբուքյան էջում գրառում է արել ՌԴ-ի սկսած հատուկ ռազմական գործողության վերաբերյալ:
«Մենք ամեն ինչ կվերականգնենք։ Յուրաքանչյուր քաղաքի յուրաքանչյուր փողոց: Յուրաքանչյուր տուն, յուրաքանչյուր բնակարան: Մենք մեր բոլոր ուժերը, աշխարհի ամբողջ օգնությունը կուղղենք դրան։ Եվ մենք արդեն ձևավորում ենք ֆոնդեր, որպեսզի Ուկրաինան ապրի»,- գրել է Զելենսկին և կից լուսանկարներ հրապարակել:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։



















