Հռոմի պապ Ֆրանցիսկոսը նոր կանոնադրություն է հաստատել․ կանայք ևս կարող են ղեկավարել Վատիկանի բաժանմունքները
Հռոմի պապ Ֆրանցիսկոսը Վատիկանի կենտրոնական վարչակազմի համար նոր կանոնադրություն է սահմանել,համաձայն որի՝ ոչ միայն հոգևորական, այլ նաև աշխարհիկ կաթոլիկները, այդ թվում նաև կանայք, եթե մկրտված են, կարող են ղեկավարել Վատիկանի բաժանմունքները։
Այս մասին հայտնում է Reuters-ը:
Մինչ այս փոփոխությունը Վատիկանի բաժանմունքների մեծ մասը ղեկավարում էին միայն տղամարդ հոգևորականները, մեծ մասամբ՝ կարդինալները։ 54 էջից բաղկացած նոր սահմանադրությունը, որը կոչվում է Praedicate Evangelium՝«Քարոզել Ավետարանը» , կազմվել է ավելի քան ինը տարի:
Ֆրանցիսկոս Պապի հաստատած կանոնադրությունը ուժի մեջ կմտնի հունիսի 5-ին, այն կփոխարինի Հռոմի պապ Հովհաննես Պողոս II-ի կողմից 1988թ․ հաստատված սահմանադրությանը։










