Հանրահավաքի մասնակիցները փակել են Ֆրանսիայի հրապարակն ու այնտեղ Արցախի դրոշը տեղադրել․ ուղիղ (թարմացվող)

18:27 • 05.04.22

20։15

Հանրահավաքի մասնակիցները, ԱԺ փոխխոսնակ Իշխան Սաղաթելյանի ելույթից հետո, շարժվեցին դեպի Ֆրանսիայի հրապարակ, որտեղ տեղադրեցին Արցախի Հանրապետության դրոշը։

Ցուցարարներն այժմ փակել են Ֆրանսիայի հրապարակի բոլոր մուտքերը։ Նշվում է, որ ակցիան կտևի 1 ժամ։


18։30

«Ազատության» հրապարակում մեկնարկել է ընդդիմության հանրահավաքը։

Հանրահավաքը նախաձեռնել են ԱԺ ընդդիմադիր  «Հայաստան» և  «Պատիվ ունեմ» խմբակցությունները։

Վաղը Բրյուսելում կայանալիք Ալիև-Փաշինյան հանդիպմանն ընդառաջ կազմակերպվող հանրահավաքի նպատակն է ցույց տալը, որ Արցախն ու արցախահայությունը միայնակ չեն։


«Դիմում ենք բոլորին, կուսակցություններին եւ անհատներին, մտավորականությանը եւ հասարակական կազմակերպություններին, հայաստանցիներին, արցախահայությանը եւ Սփուռքին:
Կանգնենք կողք-կողքի, միասին ներկայացնենք մեր պահանջները։


Ապացուցենք, որ հայ մարդը կամք ու վճռականություն ունի։


Պաշտպանելով Արցախը՝ պաշտպանենք Հայաստանը։ Պաշտպանենք մեզ եւ մեր երեխաներին։
Ապրիլի 5, 18.30, «Ազատության» հրապարակ»,-ասված էր հանրահավաք հրավիրելու մասին հայտարարության մեջ։