Առաջիկայում կփաստաթղթավորվեն ՀՀ և Վրաստանի խորհրդարանների համագործակցության այլ ձևաչափեր. Ալեն Սիմոնյան

15:20 • 05.04.22

Ապրիլի 5-ին իմ հրավերով պաշտոնական երկօրյա այցով Հայաստանում է գտնվում Վրաստանի խորհրդարանի նախագահը: Այս մասին ֆեյսբուքյան իր էջում գրել է ԱԺ նախագահ Ալեն Սիմոնյանը:

«Երկուստեք բարձրաձայնվել է Հայաստանում եւ Վրաստանում սահմանադրական փոփոխություններից հետո խորհրդարանների դերի կարեւորության բարձրացումը։ Օրենսդիր մարմինների միջև համագործակցությունը պետությունների միջև հարաբերությունների կարևոր ուղղություններից է:

Քննարկման ընթացքում խոսվել է միջխորհրդարանական բարեկամության խմբերի առավել սերտ համագործակցության մասին: Առաջարկներ են հնչել խորհրդարանների համագործակցության այլ ձևաչափերի շուրջ ևս, որոնք առաջիկայում կփաստաթղթավորվեն»,- գրել է Սիմոնյանը: