Ուկրաինական բանակի գործողությունները չեն տարածվում ՌԴ տարածքի վրա. Զելենսկի

09:59 • 03.05.22

Ուկրաինայի նախագահ Վլադիմիր Զելենսկին հայտարարել է, որ իր երկրի զինված ուժերի կողմից իրականացվող ռազմական գործողությունները չեն տարածվում Ռուսաստանի տարածքի վրա։ Նա  Al Arabiya հեռուստաալիքին տված հարցազրույցում ներկայացրել է իրադարձությունների զարգացման իր տարբերակը։

«Ուկրաինայի զինված ուժերը ռազմական գործողություններ չեն իրականացնում Ռուսաստանի Դաշնության տարածքում, նրանք պաշտպանում են իրենց հողերը և չեն ձգտում օկուպացնել ռուսական տարածքները», - ասել է Զելենսկին։

Միևնույն ժամանակ, Բելգորոդի, Բրյանսկի և Կուրսկի շրջանների տարածքը բազմիցս ենթարկվել է Ուկրաինայի կողմից ականանետային և հրետանային հարձակումների, իսկ ռուսական հակաօդային պաշտպանության համակարգը որսացել է մի քանի անօդաչու թռչող սարք, այդ թվում՝ Վորոնեժի շրջանում։ Ավելին, ուկրաինական մարտական ուղղաթիռները ներխուժել են Ռուսաստանի Դաշնության օդային տարածք, գրում է ՏԱՍՍ-ը։