Ոստիկանության աշխատակից ներկայացած անձինք մտել են ՀՀԿ-ական Հենրիխ Դանիելյանի բնակարան եւ տարել նրան անհայտ ուղղությամբ․ փաստաբան

09:45 • 10.05.22

Ոստիկանության աշխատակից ներկայացած անհասկանալի համազգեստով անձինք խաբեությամբ մուտք են գործել ՀՀԿ երիտասարդական կազմակերպության նախագահ Հենրիխ Դանիելյանի բնակարան և նրան տարել անհայտ ուղղությամբ։ Այս մասին ֆեյսբուքյան իր էջում գրել է փաստաբան Բենիկ Գալստյանը:

«Այսօր՝ ժամը 07:15-ին ոստիկանության աշխատակից ներկայացած առանց տարբերանշանների ինչ-որ անհասկանալի համազգեստով անձինք խաբեությամբ՝ խուզարկություն կատարելու պատրվակով  մուտք են գործել ՀՀԿ երիտասարդական կազմակերպության նախագահ Հենրիխ Դանիելյանի բնակարան և նրան տարել անհայտ ուղղությամբ։

Մինչ այս պահը փորձում եմ պարզել Հենրիխի գտնվելու վայրը։»,-գրել է նա։