Կիմ Չեն Ընը երկրում կորոնավիրուսի բռնկումն անվանել է «մեծ ցնցում»

09:43 • 14.05.22

Հյուսիսային Կորեայի առաջնորդ Կիմ Չեն Ընը երկրում կորոնավիրուսի բռնկումն անվանել է «մեծ ցնցում»։ Շաբաթ Կորեայի կենտրոնական լրատվական գործակալության տվյալներով՝ բժիշկները գրանցել են COVID-19-ի հետևանքով մահացության 21 նոր դեպք՝ մահացությունների ընդհանուր թիվը հասցնելով 27-ի։

Շաբաթ առավոտյան ԿԺԴՀ ղեկավարը նախագահել է Կորեայի Աշխատավորական կուսակցության կենտրոնական կոմիտեի քաղբյուրոյի նիստը, որը քննարկել է կորոնավիրուսի դեմ պայքարի միջոցները։ 

«Չարորակ վարակի տարածումը կարելի է անվանել մեծ ցնցում հանրապետության հիմնադրումից ի վեր»,- ասել է ԿԺԴՀ ղեկավարը՝ հավելելով, որ հնարավոր է հաղթահարել այս ճգնաժամը, եթե ուժեղացնեն հակահամաճարակային պայքարը և պահպանեն խիստ կարանտինային միջոցառումներ։

Հինգշաբթի Կորեայի կենտրոնական լրատվական գործակալությունը հայտնել է, որ ժողովրդական հանրապետության տարածքում առաջին անգամ հայտնաբերվել է կորոնավիրուս՝ omicron BA.2 շտամի ենթատեսակ: