Սիրիայի ինքնիշխանությունը սակարկության առարկա չի դառնա Թուրքիայի և Արևմուտքի միջև. Սիրիայի ԱԳՆ

16:56 • 30.05.22

Թուրքիայի գործողությունները սիրիական տարածքներում ագրեսիայի ակտ են: Այս մասին, ՏԱՍՍ-ի փոխանցմամբ, հայտնել է Սիրիայի ԱԳՆ:

Գերատեսչությունն ընդգծել է, որ Սիրիայի ինքնիշխանությունը չի դառնա Թուրքիայի և Արևմուտքի միջև սակարկության առարկա:

Մինչդեռ Թուրքիայի Ազգային մեծ ժողովի նախագահ Մուստաֆա Սենթոփը A-Haber հեռուստաալիքին տված հարցազրույցում հայտարարել է, որ Թուրքիան թույլ չի տա, որ նոր ահաբեկչական կազմակերպություններ հայտնվեն Սիրիայում և կշարունակեն պայքարել նրանց դեմ: Նա նշել է, որ Թուրքիային դրա համար ԱՄՆ-ի թույլտվությունը պետք չէ, քանի որ նման բան անելը Թուրքիային թույլ է տալիս միջազգային իրավունքը։