Նույնիսկ եթե հնարավորություն լինի վերադառնալու Ստեփանակերտ, չեմ կարող արտոնյալ լինել իմ ժողովրդից, կվերադառնամ, երբ մեր հայրենակիցները վերադառնան իրենց տները. Արտակ Բեգլարյան (տեսանյութ)
Նստացույցից հետո ես վերադարձել եմ իմ աշխատանքային ռեժիմին, Երևանում եմ: Այս մասին ֆեյսբուքյան էջում հրապարակած տեսանյութում ասել է Արցախի պետնախարարի խորհրդական Արտակ Բեգլարյանը:
Բեգլարյանը նշել է՝ ստիպված է անդրադառնալ տարածվող լուրերին այն մասին, թե վերադարձել է Ստեփանակերտ:
«Ես վերադառնալու եմ իմ տուն, երբ շրջափակումը վերանա և բոլոր մեր հայրենակիցները վերադառնան իրենց տները: Նույնիսկ եթե որևէ հնարավորություն լինի վերադառնալու, ինձ համար սկզբունք է՝ որևէ կերպ չեմ կարող արտոնյալ լինել իմ ժողովրդի մնացած հատվածից»,- հայտնել է Բեգլարյանը:










