Տունը դժվարությամբ ենք տաքացնում, երեխաները միրգ են ուզում, չկա․տունը կորցրած արցախցի բազմազավակ ընտանիքի խնդիրները շրջափակման հետևանքով բազմապատկվել են (տեսանյութ)

Շուրջ 22 տարի շարունակ Արցախի մայրաքաղաք Ստեփանակերտում վարձով բնակվող Թունյանների բազմազավակ ընտանիքը վերջին գդալ ձեթն ու թեյն է օգտագործում, իսկ հետոյի մասին դժվարանում են խոսել, չգիտեն՝ ինչպես կհաղթահարեն ստեղծված ճգնաժամը:

6 երեխաներից ամենափոքրը՝ 11 ամսական Ալեքսը իր բողոքն արտահայտում է լացով. միակ սիրելի միրգը բանանն է, որը ծնողները չեն կարողանում գտնել:

2020 թվականի 44-օրյա պատերազմի հետևանքով հայրենի տունը կորցրած տիկին Գայանեի հոգսերն ու մտահոգությունները բազմապատկվել են: Բազմազավակ ընտանիքը վարձած փոքր ու անհարմար բնակարանում է տեղավորվել: Տունը գազաֆիկացված չէ, տաք ջուր չունեն, հոսանքի պարբերաբար անջատումներից առավել շատ նեղվում են փոքրիկները:

Մանրամասները՝ տեսանյութում։