Կիսված ընտանիքները միավորվում են. Կարմիր խաչի ուղեկցությամբ 11 քաղաքացի Արցախից տեղափոխվել է Հայաստան (տեսանյութ)

14:33 • 25.01.23

 

Կարմիր խաչի միջազգային կոմիտեն շարունակում է աջակցել ադրբեջանցի կեղծ բնապահպանների կողմից Բերձորի միջանցքի արգելափակման հետևանքով կիսված ընտանիքների միավորմանը։

Կարմիր խաչի միջազգային կոմիտեի միջնորդությամբ և ուղեկցությամբ Հանրապետական բժշկական կենտրոնի բակից 11 քաղաքացի Արցախից Հայաստանի Հանրապետություն է տեղափոխվել: Նման իրավիճակում հայտնված ընտանիքներից օրեր առաջ Կարմիր խաչը Ստեփանակերտից Գորիս էր տեղափոխել 4, հակառակ ուղղությամբ՝ 1 քաղաքացու: