ԱՄՆ-ը չի հասցնի մինչև գարուն Abrams տանկերն ուղարկել Ուկրաինա. Նուլանդ

21:22 • 26.01.23

ԱՄՆ պետքարտուղարի քաղաքական հարցերով տեղակալ Վիկտորյա Նուլանդը հայտարարել է, որ Միացյալ Նահանգները չի հասցնի մինչև գարուն Abrams տանկերն ուղարկել Ուկրաինա։ Այս մասին հայտնում է ՌԻԱ «Նովոստի»-ն։

«Abrams-ը, ինչպես գիտեք, շատ բարդ տանկ է և զգալի նախապատրաստվածություն է պահանջում։ Թեև մենք երեկ հաստատել ենք դրանց ուղարկումը, սակայն որոշակի ժամանակ կպահանջվի դրանք մարտի դաշտ հասցնելու համար։ Նրանք այնտեղ չեն լինի գարնանային հարձակման դրությամբ»,- ասել է Նուլանդը։

Ավելի վաղ ԱՄՆ նախագահ Ջո Բայդենը հայտարարել էր, որ ԱՄՆ-ն Ուկրաինային կփոխանցի M1 Abrams տանկերից բաղկացած գումարտակ։