Այրվածքներ ստացած զինծառայողների կյանքին վտանգ չի սպառնում, այդ փուլը հաղթահարել ենք․ Անահիտ Ավանեսյան
ՀՀ առողջապահության նախարար Անահիտ Ավանեսյանը լրագողների հետ ճեպազրույցի ընթացքում նշեց, որ հրդեհից վնասվածքներ ստացած զինծառայողների առողջական վիճակը բավարար է։
«Ինչպես գիտեք, այրվածքներով պացիենտները սովորաբար բավականին երկար բուժում են ստանում: Որոշ դեպքերում նաև վերականգնողական ընթացք ունենք, մի քանի վիրահատությունների շրջան ունենք: Այս պահին անհրաժեշտ բուժօգնությունը տրամադրվում է, և առաջիկայում էլ ինչ-որ անհրաժեշտ լինի նրանց առողջությունն ամբողջովին վերականգնելու համար, կիրականացվի։ Նրանց կյանքին վտանգ չի սպառնում, այդ փուլը, բարեբախտաբար, հաղթահարել ենք,- ասաց Ավանեսյանը:










