Մեծ Բրիտանիան դիտարկում է Կիևին կործանիչներ մատակարարելու հնարավորությունը

20:33 • 08.02.23

Լոնդոնը դիտարկում է Կիևին բրիտանական կործանիչներ մատակարարելու հնարավորությունը։ Այս մասին գրում է Wall Street Journal-ը՝ վկայակոչելով կառավարության ներկայացուցչին։

«Մեծ Բրիտանիան ուսումնասիրում է Ուկրաինային բրիտանական կործանիչներ մատակարարելու հարցը», - գրում է թերթը։

Աղբյուրի հաղորդմամբ՝ վերջնական որոշում դեռ չի կայացվել, սակայն Մեծ Բրիտանիայի վարչապետ Ռիշի Սունակն արդեն հանձնարարել է երկրի ՊՆ ղեկավարին ուսումնասիրել, թե որ կործանիչները կարող են մատակարարվել Ուկրաինային։