Հայաստանը Թուրքիա է ուղարկել 27, Սիրիա՝ 29 փրկարար

12:16 • 08.02.23

Հայաստանի Հանրապետությունը փրկարարական ջոկատներ է ուղարկել Սիրիա և Թուրքիա՝ աջակցելու երկրաշարժի հետևանքով տուժած շրջաններում իրականացվող որոնողափրկարարական աշխատանքներին: Tert.am-ը ՆԳՆ-ից տեղեկացավ, որ Թուրքիա ուղարկվել է 27, իսկ Սիրիա` 29 փրկարար։

Նշենք, որ փրկարարական ջոկատները արդեն վայրէջք են կատարել, մեկնող փրկարարական ջոկատների ծառայողներին ճանապարհել են ՀՀ ներքին գործերի նախարար Վահե Ղազարյանն ու փրկարար ծառայության տնօրեն-ՆԳ նախարարի տեղակալ Կամո Ցուցուլյանը: