Անձամբ շատ ծանր եմ տանում, շատ մտահոգված եմ․ Փաշինյանը՝ կոռուպցիայի ընկալման համաթվում Հայաստանի գրանցած հետընթացի մասին

19:25 • 08.02.23

Շատ մտահոգված եմ այդ տվյալով, դա շատ մեծ ձախողում է։ Անձամբ շատ ծանր եմ տանում։ Անգամ, եթե վիճակագրության մեջ սխալ կա, մեր քաղաքականությունն այն է, որ բոլոր ռեյտինգներով պետք է ունենանք առաջընթաց։ Եթե կա հետընթաց, ուրեմն ինչ-որ բան այն չէ։
Այս մասին Ազգային ժողովում Կառավարության հետ հարցուպատասխանի ժամանակ Նիկոլ Փաշինյանը՝ անդրադառնալով այն փաստին, որ կոռուպցիայի ընկալման համաթվի առումով ՀՀ-ն հետընթաց է գրանցել։

Փաշինյանն ասաց, որ այդ թեմայով քննարկումներ ունեցել է, Կառավարության նիստում էլ կքննարկեն։

«Այն փաստը, որ հակակոռուպցիոն քաղաքականության միջազգային ռեյտինգներում թեկուզ փոքր հետընթաց ենք ունենում, անընդունելի է։ Դեր ունեն ԶԼՄ-ների հրապարակումներն այս կամ այն պաշտոնյանի կոռուպցիոն գործարքների մասին։ Առաջարկում եմ բանաձեւ, որ նման որեւէ հրապարակում անարձագանք չպետք է մնա։ Եթե ճիշտ չէ, քաղաքացիական հայցով պետք է հետամուտ լինել։ Թեկուզ երկու տարի հետո դատարանի որոշում լինի»,–ասաց նա։