Զելենսկին Բելգիայի թագավորին նվիրել է ռուսական ինքնաթիռի բեկոր

12:10 • 10.02.23

Ուկրաինայի նախագահ Վլադիմիր Զելենսկին Բելգիայի թագավոր Ֆիլիպ Առաջինի հետ ընդիպման ժամանակ նրան նվեր է հանձնել։ Այս մասին հայտնում է Բելգիայի թագավորական պալատի մամուլի ծառայությունը։

Ուկրաինայի առաջնորդը միապետին է հանձնել խոցված ռուսական Սու-25 ինքնաթիռի մի բեկոր։

«Նախագահ Զելենսկին հանձնել է Ուկրաինայում խոցված ռուսական Սու-25 ինքնաթիռի բեկորը։ Ուկրաինացի օդաչուները դրա վրա գրել են «Միասին մենք կհաղթենք»», ասվում է հաղորդագրության մեջ։

Հիշեցնենք, որ Ուկրաինայի նախագահ Վլադիմիր Զելենսկին Լոնդոն և Փարիզ կատարած այցերից հետո երեկ  այցելել է Բրյուսել։