Ռուսական կողմին ցուցադրաբար չեն հրավիրի Չարլզ III-ի թագադրման արարողությանը․ Մեծ Բրիտանիայում ՌԴ դեսպան

10:52 • 13.02.23

Մեծ Բրիտանիայում Ռուսաստանի Դաշնության դեսպան Անդրեյ Կելինը կարծում է, որ Մեծ Բրիտանիայի թագավոր Չարլզ III-ի՝ մայիսին կայանալիք թագադրման արարողությանը ռուսական կողմին ցուցադրական կերպով չեն հրավիրի։

Ինչպես նշել է դեսպանը ՌԻԱ Նովոստիի հետ զրույցում, Թագադրման արարողությունը կանցկացվի շատ ավելի համեստ տարբերակով, քան Եղիսաբեթ 2-րդ թագուհու թագադրման ժամանակ էր։

«Քիչ մարդիկ են հրավիրված, բայց կարծում եմ, որ մեզ չեն հրավիրի ցուցադրական կերպով, ինչպես դա տեղի ունեցավ Եղիսաբեթ 2-րդի հուղարկավորության հետ կապված արարողության ժամանակ»,- ասել է նա։

«Բրիտանական իշխանությունները ցուցադրաբար չհրավիրեցին մեզ և բելառուսներին։ Կարծում եմ՝ նրանք կշարունակեն այդ գործելակերպը»,- եզրափակել է ՌԴ դեսպանը։