Իրանն ու Չինաստանը համագործակցության մի շարք համաձայնագրեր են ստորագրել

21:34 • 14.02.23

Իրանն ու Չինաստանը համագործակցության մի շարք համաձայնագրեր են ստորագրել։

«Արմենպրես»-ի հաղորդմամբ՝ այս մասին հայտնում է ԻՌՆԱ գործակալությունը՝ տեղեկացնելով, որ փաստաթղթերը ստորագրվել են ԻՀՀ նախագահ Էբրահիմ Ռայիսիի՝ Պեկին կատարած այցի շրջանակներում։ 

Ըստ աղբյուրի՝ Իրանի նախագահ Իբրահիմ Ռաիսին Չինաստանի վարչապետ Լի Կեցյանի հետ հանդիպման ժամանակ Իրանի և Չինաստանի համակողմանի ռազմավարական գործընկերությունն անվանել է հարաբերությունները զարգացնելու երկու երկրների կամքի խորհրդանիշ:

Ստորագրված փաստաթղթերը վերաբերում են ճգնաժամի կառավարման, զբոսաշրջության, հաղորդակցության, տեղեկատվական տեխնոլոգիաների, ինչպես նաև միջազգային առևտրի բնագավառներում համագործակցությանը։ Փաստաթղթերը վերաբերում են նաև սպորտին, լրատվական դաշտին և առողջապահությանը։