Ֆրանսիան Ռուսաստանին կոչ է արել կատարել հինգ միջուկային տերությունների համաձայնագիրը

21:41 • 21.02.23

Ֆրանսիան կոչ է անում Ռուսաստանին կատարել 2022 թվականի հունվարի 3-ին հինգ միջուկային տերությունների միջև կնքված համաձայնագիրը՝ միջուկային պատերազմը կանխելու համար:

Ասված է Ֆրանսիայի ԱԳՆ հաղորդագրության մեջ․

«Ֆրանսիան կոչ է անում Ռուսաստանին կատարել հինգ միջուկային տերությունների ղեկավարների 2022 թվականի հունվարի 3-ի հայտարարությունը միջուկային պատերազմի և սպառազինությունների մրցավազքի կանխման մասին, որին Ֆրանսիան հավատարիմ է մնում»,- ասվում է հաղորդագրության մեջ։

Աշխարհում միջուկային պատերազմը և պետությունների միջև սպառազինությունների մրցավազքը կանխելու մասին Մեծ Բրիտանիայի, Չինաստանի, Ռուսաստանի, ԱՄՆ-ի և Ֆրանսիայի ղեկավարների համատեղ հայտարարությունը պատրաստվել է Ռուսաստանի նախաձեռնությամբ և հրապարակվել 2022 թվականի հունվարի 3-ին։