Ռուսական ագրեսիան կավարտվի Ղրիմի ազատագրմամբ. Զելենսկի

11:59 • 27.02.23

Ղրիմի ազատագրմամբ Ուկրաինան պատմական վերջ կդնի ուկրաինացիների, Եվրոպայի ու Ասիայի բոլոր ժողովուրդների կյանքը կործանելու Ռուսաստանի փորձերին։ Այս մասին կիրակի՝ փետրվարի 26-ին, իր ուղերձում ասել է երկրի նախագահ Վլադիմիր Զելենսկին, գրում է korrespondent.net-ը:

«2014 թվականին ռուսական ագրեսիան սկսվել է հենց Ղրիմի գրավմամբ: Տրամաբանական է, որ Ղրիմի ազատագրմամբ մենք պատմական վերջ կդնենք ուկրաինացիների, Եվրոպայի ու Ասիայի բոլոր ժողովուրդների կյանքը կոտրելու Ռուսաստանի ցանկացած փորձին»,- ասել է Զելենսկին։

Նա ընդգծել է, որ միջազգային իրավունքը կհաղթի հենց Ուկրաինայի հողերում՝ Դոնբասում, Ազովի շրջանում, Խերսոնի շրջանում և Ղրիմում։