Գերմանիայի կանցլերն ասել է, որ Ուկրաինայի թիկունքում խաղաղության բանակցություններ չեն լինի
Գերմանիայի կանցլեր Օլաֆ Շոլցը, ելույթ ունենալով Բունդեսթագում, ասել է, որ խաղաղության համաձայնագիր՝ առանց Ուկրաինայի տեսակետները հաշվի առնելու, չի կնքվի։ Այս մասին հայտնում է ՏԱՍՍ-ը։
«Ուկրաինացիների գլխի վրայով չենք թռնելու և խաղաղության համաձայնագիր չի լինելու: Անհնար է նաև խաղաղության հասնել, եթե այստեղ՝ Բեռլինում, կոչ արվի «այլևս երբեք չկռվել» և միևնույն ժամանակ պահանջել դադարեցնել զենքի բոլոր մատակարարումները Ուկրաինային», - ասել է կանցլերը:
Նա նշել է, որ եթե Ուկրաինան դադարի պաշտպանվել, ապա դա կլինի ոչ թե խաղաղություն, այլ Ուկրաինայի վերջը։
Նրա խոսքով՝ Ուկրաինայի հակամարտությունում «Ռուսաստանը դեռ հույսը դնում է ռազմական հաղթանակի վրա»։
«Սակայն հաղթանակ չի լինի նաև այն պատճառով, որ մենք և մեր գործընկերները շարունակում ենք աջակցել Ուկրաինային», - ասել է Շոլցը։










