CBS-ը հրապարակել է ամերիկյան անօդաչուի և ռուսական կործանիչների մասնակցությամբ միջադեպի տեսագրաֆիկան (տեսանյութ)

12:19 • 15.03.23

Ամերիկյան CBS հեռուստաալիքը տեսանյութ է հրապարակել, որում մոդելավորել է Սև ծովի երկնքում ամերիկյան անօդաչու թռչող սարքի և ռուսական Սու-27 կործանիչի մասնակցությամբ տեղի ունեցած միջադեպը։

Տեսանյութում, մասնավորապես, երևում է, թե ինչպես է ռուսական երկու կործանիչ կես ժամվա ընթացքում 19 անգամ թռչել ամերիկյան անօդաչուի մոտ՝ վառելանյութ թափելով։ Արդյունքում վառելանյութը թափվել է անօդաչուի պտուտակին, ինչի հետևանքով սարքը խափանվել է։

Հիշեցնենք, որ մարտի 14-ի առավոտյան Սև ծովի երկնքում խափանվել է ամերիկյան MQ-9 Reaper անօդաչու թռչող սարքը։ Միացյալ Նահանգները հայտարարել է, որ պատճառը եղել է ռուսական Սու-27 կործանիչի ոչ անվտանգ մանևրը, որը վնասել է անօդաչու թռչող սարքի պտուտակը: Ըստ ՌԴ պաշտպանության նախարարության՝ անօդաչու թռչող սարքը խախտել է Ուկրաինայում Ռուսաստանի սկսած հատուկ ռազմական գործողության մեկնարկից ի վեր սահմանված «օդային տարածքի օգտագործման ժամանակավոր ռեժիմի շրջանի սահմանները», այնուհետև ինչ-որ պահի «կտրուկ մանևրելու հետևանքով անկառավարելի է դարձել և ընկել ծովը»։