Կադիրովի դուստրը կվերահսկի Չեչնիայի առողջապահության համակարգը

23:47 • 15.03.23

Ռամզան Կադիրովի 20-ամյա դուստրը՝ Խութմաթ Կադիրովան, ով Չեչնիայի ղեկավարի քարտուղարության ղեկավարի տեղակալն է, կվերահսկի առողջապահական համակարգը։

Այս մասին հայտարարել է Չեչնիայի փոխվարչապետ Ադամ Ալխանովը․

«Չեչնիայի Հանրապետության ղեկավարի կարգադրությամբ, այսուհետ Խութմաթ Ռամզանովնան կվերահսկի Չեչնիայի Հանրապետության առողջապահական համակարգը: Մենք տեսնում ենք, որ նրա հսկողության տակ գտնվող վերականգնողական ծառայությունը հասել է որակապես նոր մակարդակի, այժմ Խութմաթ Կադիրովայի գիտելիքներն ու փորձը կնպաստի ամբողջ բժշկական ոլորտի զարգացմանը»,- գրել է Ալխանովը Telegram-ալիքում։

Նա վստահություն է հայտնել, որ նրա հսկողության ներքո Չեչնիայի առողջապահությանը սպասվում են հսկայական հաջողություններ և նոր լայն հնարավորություններ։