ՌԴ և ԱՄՆ պաշտպանության նախարարները հեռախոսազրույց են ունեցել

22:47 • 15.03.23

Ռուսաստանի և Միացյալ Նահանգների պաշտպանության նախարարներ Սերգեյ Շոյգուն և Լլոյդ Օսթինը հեռախոսով քննարկել են ամերիկյան անօդաչու թռչող սարքի հետ կապված իրավիճակը, որն ընկել է Սև ծովը:

Այս մասին Ռիա Նովոստիին հայտնել է Պենտագոնի աղբյուրը։

Ռուսաստանի Դաշնության պաշտպանության նախարարությունը չորեքշաբթի ավելի վաղ հայտնել էր, որ ամերիկյան կողմի նախաձեռնությամբ հեռախոսազրույց է տեղի ունեցել Շոյգուի և Օսթինի միջև։

«Ես դա կարող եմ հաստատել»,- ասել է գործակալության զրուցակիցը՝ պատասխանելով հարցին, թե արդյոք անօդաչու սարքի հետ կապված միջադեպը եղել է Շոյգուի և Օսթինի զրույցի թեմա։