Պոլսո հայոց պատրիարքարանը տներ կհատկացնի երկրաշարժից տուժած հայերին

16:00 • 31.03.23

Պոլսո հայոց պատրիարքարանում որոշում է կայացվել լուծել Թուրքիայում տեղի ունեցած երկրաշարժի հետևանքով անտուն մնացած հայերի խնդիրը։

Ինչպես տեղեկացնում է Agos թերթը, Պոլսո պատրիարքարանում տեղի ունեցած քննարկումների ժամանակ որոշում է կայացվել ստեղծել հանձնաժողով, որը կզբաղվի երկրաշարժ հետևանքով անտուն մնացած հայերի համար նոր տներ կառուցելով։

Քննարկմանը մասնակցել են պատրիարք Սահակ Մաշալյանը, եկեղեցիների հոգաբարձուների խորհրդի նախագահները, ճարտարապետներ։

Քննարկվել է կոնտեյներ տնակներով ժամանակավոր ապահովել կարիք ունեցողներին, մինչև տները  վերականգնվեն կամ նորերը կառուցվեն։