ԱՄՆ Արկանզաս նահանգում տորնադոյի հետևանքով զոհվել է առնվազն 2 մարդ

12:30 • 01.04.23

ԱՄՆ Արկանզաս նահանգում ու հարևան քաղաքներում կատաղի տորնադոյի հետևանքով առնվազն երկու մարդ է զոհվել, տասնյակ մարդիկ վիրավորվել են:

«Արմենպրես»-ի փոխանցմամբ՝ այս մասին տեղեկացնում է Reuters-ը: 

Պաշտոնյաները հայտնել են, որ կոտրվել, վնասվել են բազմաթիվ շենքերի տանիքներ և պատեր, տապալվել են ծառեր, վնասվել են էլեկտրահաղորդման գծեր:

Ժամեր անց մեկ այլ տորնադո է տեղի ունեցել Իլինոյսում,  այն վնասել է դահլիճի տանիքը, առաստաղը փլուզվել է հենց այն ժամանակ, երբ ռոք խումբը ելույթ է ունեցել բեմում: Մեկ մարդ մահացել է, ևս 28-ը շտապօգնության մեքենայով տեղափոխվել են հիվանդանոցներ: