Երևանի քաղաքապետի ընտրության հարցով հրավիրված ավագանու արտահերթ նիստը չկայացավ, ավագանու անդամները նիստին չներկայացան (տեսանյութ)

11:49 • 11.04.23

Այսօր՝ ապրիլի 11-ին, Երևանի ավագանին արտահերթի նիստ էր հրավիրել, որի օրակարգում միայն Երևանի քաղաքապետի ընտրության հարցն էր, սակայն ավագանու անդամները չեն ներկայացել նիստին և դրա մեկնարկին Երևանի քաղաքապետի ժամանակավոր պաշտոնակատար Լևոն Հովհաննիսյանը նիստերի դահլիճում մենակ էր, քվորում չէր ապահովվել։

«Ղեկավարվելով Երևանի ավագանու կանոնակարգի 114-րդ կետի երկրորդ ենթակետով՝ հայտարարվում է 30 րոպե ընդմիջում»,-ասաց Լևոն Հովհաննիսյանը։

Ընդմիջումից հետո, սակայն, քվորում չապահովվեց և նիստը համարվեց չկայացած։

«Հարգելի ներկաներ, Երևանի ավագանու արտահերթի նիստը, որը գումարվել էր քաղաքապետ ընտրելու հետ կապված, դարձյալ քվորում չի ապահովել, ուստի, հիմք ընունելով Երևանի քաղաքի ավագանու կանոնակարգի 114-րդ կետի երկրորդ ենթակետը, նիստը համարվում է չկայացած»,- հայտարարեց Հովհաննիսյանը։