Կուրիլյան կղզիներում Էբեկո հրաբուխը մոխիրն արտանետել է 3 կմ վեր
Հրաբխագետները Մեծ Կուրիլյան շարքի (Սախալինի մարզ) Պարամուշիր կղզում Էբեկո հրաբխի վրա 3 կմ բարձրությամբ մոխրի արտանետում են արձանագրվել։
Այս մասին հայտնում է ՌԴ ԱԻՆ Սախալինի շրջանի գլխավոր տնօրինության մամուլի ծառայությունը։
Միասնական հերթապահ դիսպետչերական ծառայության տվյալներով՝ մոխրի տեղումներ չեն նկատվել։ Ծծմբաջրածնի հոտ չի զգացվել, բնակչությանը վտանգ չի սպառնում:
Էբեկոն գտնվում է Պարամուշիրի հյուսիսային հատվածում։ Հրաբխի բարձրությունը 1156 մետր է։ Հրաբուխը ժայթքել է 2012 թվականին, այն կրկին ակտիվացել է 2016 թվականի նոյեմբերի կեսերին։ Հրաբխի համար սահմանվել է ավիացիայի համար վտանգավորության նարնջագույն գունային ծածկագիր։ Դա նշանակում է, որ հրաբուխը մեծ ակտիվություն է դրսևորում՝ ժայթքման բարձր հավանականությամբ։










