Իմոբիլեն կողոսկրի կոտրվածք է ստացել տրամվայի հետ վթարի հետևանքով

10:26 • 17.04.23

«Լացիոյի» ավագ Չիրո Իմոբիլեն տրամվայի հետ վթարի հետևանքով ստացել է ողնաշարի դեֆորմացիա և կողոսկրի բարդ կոտրվածք, հաղորդում է հռոմեական ակումբի մամուլի ծառայությունը։

Ներկայումս հարձակվողը գտնվում է Հռոմի Ագոստինո Ջեմելիի անվան համալսարանական հիվանդանոցի շտապ օգնության բաժանմունքի բժիշկների հսկողության ներքո:

Ըստ վթարի ականատեսների՝ ֆուտբոլիստի Land Rover ամենագնացը Պրատի մետրոպոլիայի խաչմերուկում բախվել է տրամվայի հետ։ Հարվածը շատ ուժգին է եղել, մեքենայի դիմային մասը ամբողջությամբ վնասվել է։

Վնասվել և ռելսերից դուրս է եկել նաև տրամվայը։ Տրամվայի վարորդը և ևս երկու ուղևոր վնասվածքներ են ստացել և տեղափոխվել հիվանդանոց։