Patriot ՀՕՊ համակարգը Գերմանիայից հասել է Ուկրաինա
Patriot հակաօդային պաշտպանության համակարգը՝ հրթիռներով, մատակարարվել է Ուկրաինա՝ համաձայն Գերմանիայի կառավարության կայքում տեղադրված թարմացված ցանկի։
Թարմացված ցուցակում, որը պարբերաբար տվյալներ է հրապարակում Կիևին գերմանական ռազմական օգնության մասին, նշվում է, որ Գերմանիան փոխանցել է Patriot հակաօդային պաշտպանության համակարգ՝ հրթիռներով։
Բացի այդ, ուկրաինական կողմը Գերմանիայից ստացել է ևս 16 Zetros բեռնատար։ Այսպիսով, Կիևն ունի ընդհանուր առմամբ 76 նման բեռնատար։
Նաև Ուկրաինային է փոխանցվել ևս 2 սահմանապահ մեքենա։ Ընդհանուր առմամբ, Կիևը Գերմանիայից ստացել է 124 նման մեքենա։










