Պետդուման փոփոխություններ է ընդունել պետական դավաճանության համար ցմահ ազատազրկման մասին
ՌԴ պետդուման փոփոխություններ է ընդունել պետական դավաճանության համար մինչև ցմահ ազատազրկում սահմանելու վերաբերյալ, գրում է ՌԻԱ «Նովոստի»-ն:
Փոփոխությունները մտցվում են քրեական օրենսգրքի «Պետական դավաճանության» 275-րդ հոդվածում:
Օրենքի ընդունումից հետո լրտեսությունը, օտարերկրացիներին պետական գաղտնիք պարունակող տեղեկությունների տրամադրումը, հակառակորդի կողմն անցնելը կամ Ռուսաստանի դեմ ուղղված գործողություններում այլ պետությանը ֆինանսական, նյութատեխնիկական, խորհրդատվական կամ այլ օգնություն ցուցաբերելը պատժելի է ցմահ ազատազրկմամբ։
Այժմ այս հանցագործությունների համար սպառնում է մինչև 20 տարվա ազատազրկում՝ մինչև 500 հազար ռուբլի տուգանքով։
Բացի այդ, պատգամավորները կողմ են արտահայտվել դիվերսիայի և ահաբեկչության համար քրեական պատասխանատվության խստացմանը։










