ՄԱԿ-ը մտահոգություն հայտնել է ԱՄՆ-ին` Գուտերեշի գաղտնալսման լուրերի առնչությամբ

21:37 • 18.04.23

ՄԱԿ-ը պաշտոնապես իր մտահոգությունն է հայտնել Միացյալ Նահանգներին՝ ՄԱԿ գլխավոր քարտուղար Անտոնիո Գուտերեշի գաղտնալսման մասին լուրերի առնչությամբ։

Այս մասին հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը․

«Մենք պաշտոնապես մեր մտահոգությունն ենք հայտնել հյուրընկալողներին՝ վերջին հաղորդագրությունների առնչությամբ, որ գլխավոր քարտուղարի և ՄԱԿ-ի այլ բարձրաստիճան պաշտոնյաների խոսակցությունները եղել են ԱՄՆ իշխանությունների գաղտնալսման և միջամտության առարկա», - ասել է Դյուժարիկը։

Ըստ Դյուժարիկի, ՄԱԿ-ը հասկացրել է, որ նման գործողությունները չեն համապատասխանում ՄԱԿ-ի կանոնադրությամբ և արտոնությունների ու անձեռնմխելիության մասին կոնվենցիայով նախատեսված ԱՄՆ պարտավորություններին։