Ֆրանսիան Հայաստանի կողքին է՝ ոգեկոչելու 1915թ.-ի ցեղասպանության զոհերի հիշատակը. դեսպանը հարգանքի տուրք է մատուցել զոհերի հիշատակին
Հայաստանում Ֆրանսիայի արտակարգ և լիազոր դեսպան Անն Լույոն հարգանքի տուրք է մատուցել Ցեղասպանության զոհերի հիշատակին:
«Ֆրանսիան Հայաստանի կողքին է՝ ոգեկոչելու 1915 թ. Ցեղասպանության զոհերի հիշատակը: Պայքարել ժխտողականության և մոռացության դեմ նշանակում է վերահաստատել Ֆրանսիայի բարեկամ հայ ժողովրդի՝ կյանքի, անվտանգության, ժողովրդավարության հիմնարար իրավունքները, ինչպես նաև հաստատել խաղաղություն ամբողջ աշխարհում»,- նշված է Հայաստանում Ֆրանսիայի դեսպանության Ֆեյսբուքի պաշտոնական էջում:










