Լավրովը ժամանել է Նյու Յորք

10:45 • 24.04.23

Ռուսաստանի արտաքին գործերի նախարար Սերգեյ Լավրովը ժամանել է Նյու Յորք, հայտնել է ՌԴ ԱԳՆ պաշտոնական ներկայացուցիչ Մարիա Զախարովան թելեգրամյան ալիքում։

«Վաղը նրա նախագահությամբ տեղի կունենա ՄԱԿ-ի Անվտանգության խորհրդի նիստը»,- գրել է նա։

Ինչպես նշել է Զախարովան, Լավրովի ինքնաթիռին Flightradar ռեսուրսով հետևել է մոտ երեք միլիոն մարդ։

Երկուշաբթի Լավրովը կմասնակցի ՄԱԿ-ի Անվտանգության խորհրդում Ռուսաստանի նախագահության կենտրոնական միջոցառումներից մեկին՝ բաց բանավեճին՝ կազմակերպության կանոնադրության սկզբունքների պաշտպանության վերաբերյալ։ Երեքշաբթի նա նախագահելու է Անվտանգության խորհրդի մեկ այլ բարձր մակարդակի նիստ՝ բաց բանավեճ Մերձավոր Արևելքի վերաբերյալ:

Նախատեսվում է, որ Նյու Յորք կատարած այցի ընթացքում ՌԴ ԱԳ նախարարը կհանդիպի նաև ՄԱԿ-ի գլխավոր քարտուղար Անտոնիո Գուտերեշի հետ։