Մեծ Բրիտանիան, ԱՄՆ-ն և ԵՄ-ն պատժամիջոցներ են սահմանել Իրանի Իսլամական հեղափոխության պահապանների կորպուսի հրամանատարության դեմ
Մեծ Բրիտանիայի արտաքին գործերի նախարարությունը պատժամիջոցներ է սահմանել Իրանի Իսլամական հեղափոխության պահապանների կորպուսի (ԻՀՊԿ) հրամանատարության ներկայացուցիչների դեմ՝ բողոքի ցույցերը ճնշելու ժամանակ մարդու իրավունքների խախտումների համար։
Սահմանափակիչ միջոցները ներդրվում են Միացյալ Նահանգների և Եվրամիության հետ համատեղ, ասվում է գերատեսչության մամուլի հաղորդագրությունում։
Պատժամիջոցների տակ են հայտնվել ԻՀՊԿ-ի չորս հրամանատարներ.
Մոհամմադ Նազար Ազիմին, որը ըստ Մեծ Բրիտանիայի Արտաքին գործերի նախարարության, զենք է օգտագործել ցույցերը ճնշելու համար և պատասխանատու է «բազմաթիվ մահերի» համար,
Հաբիբ Շահսավարին, որը մեղադրվում է բողոքող քաղաքացիների նկատմամբ բռնություն գործադրելու և խոշտանգումների համար,
Մոհսեն Քարիմին, ըստ բրիտանական կողմի պնդման, պատասխանատու է, մասնավորապես, 19-ամյա ցուցարար Մերշադ Շահիդիի մահվան համար,
Ահմադ Քադեմը պատասխանատվություն է կրում բողոքի ցույցերը բռնությամբ ճնշելու համար:
Իսլամական հեղափոխության պահապանների կորպուսը իրանական էլիտար ռազմաքաղաքական կազմավորում է, որը ներառված է Իրանի զինված ուժերի կազմ ԱՄՆ-ն, Իսրայելը, Սաուդյան Արաբիան և Բահրեյնը այն որակում են որպես «ահաբեկչական կազմակերպություն»։










