Ադամ Շիֆն Արցախի անկախությունն ու ինքնիշխանությունը ճանաչող օրինագիծ կներկայացնի Կոնգրես
ԱՄՆ Կոնգրեսի Հայկական հարցերով խմբի փոխնախագահ Ադամ Շիֆը Կոնգրես կներկայացնի օրինագիծ, որով կոչ է արվում ճանաչել Արցախի անկախությունը և ինքնիշխանությունը, ինչպես նաև դատապարտել Ադրբեջանի ագրեսիան:
Նա այս մասին հայտնել է Asbarez News-ին, որն էլ թվիթերյան միկրոբլոգում հրապարակել է համապատասխան տեսանյութ:
«Վաղն առավոտյան ես կներկայացնեմ օրինագիծ՝ ճանաչելու Արցախը, Արցախի անկախությունը և ինքնիշխանությունը: Սրանով ԱՄՆ-ն պաշտոնապես կճանաչի Արցախի ժողովրդի ինքնորոշման իրավունքը: Ես չափազանց մտահոգված եմ, որ Ադրբեջանը հերթական պատերազմն է ծրագրում Արցախի դեմ, հերթական պատերազմը հենց Հայաստանի դեմ, և կարծում եմ, որ սա հզոր ուղերձ կլինի Բաքվի դիկտատորին, որ երկկուսակցական հիմունքներով Կոնգրեսը սատար կկանգնի Արցախի ժողովրդի իրավունքներին», - ասել է Շիֆը:
BREAKING: @RepAdamSchiff exclusively told Asbarez that he will introduce legislation tomorrow recognizing Artsakh’s independence and self-determination and condemning Azerbaijan’s aggression. pic.twitter.com/3LdSh0hhv7
— Asbarez News (@Asbarez) April 24, 2023










