Տեխասում հրաձգության հետևանքով հինգ մարդ է զոհվել

16:28 • 29.04.23

ԱՄՆ-ի Տեխաս նահանգի Քլիվլենդ քաղաքում հրաձգության հետևանքով հինգ մարդ է զոհվել:

Ոստիկանությունից հայտնել են, որ չորս հոգու մահն արձանագրվել է տեղում, իսկ հինգերորդը մահացել է հիվանդանոցում։ Իշխանությունները հայտնել են, որ զոհերից կրտսերը ութ տարեկան է։

Ինչպես նշվում է, կասկածյալը AR-15 ինքնաձիգով զինված լատինաամերիկացի է, ով հարբած է եղել։ Բնակիչներին հրահանգ է տրվել մնալ տանը և հեռու մնալ հանցագործության վայրից՝ մինչև հետաքննության ավարտը։