Նապոլիի 26-ամյա երկրպագուն մահացել է անկարգությունների հետևանքով

11:52 • 05.05.23

«Նապոլիի» չեմպիոնության տոնակատարության ժամանակ Նեապոլի փողոցներում փոխհրաձգություն է տեղի ունեցել, ինչի հետևանքով  մարդ է մահացել, հայտնում է La Repubblica-ն։

Հաղորդվում է, որ փոխհրաձգությունը տեղի է ունեցել այն ժամանակ, երբ  տասնյակ հազարավոր երկրպագուներ են եղել փողոցում: 26-ամյա տուժողը վիրավորվել է և շտապ տեղափոխվել հիվանդանոց, որտեղ շուտով մահացել է։

Մահացածի հարազատները, իմանալով տղամարդու մահվան մասին, հարձակվել են կլինիկայի վրա՝ պատճառելով լուրջ վնաս։ Գործով ներկայումս զբաղվում են իրավապահ մարմինները։

Ա սերիայի այս տիտղոսը երրորդն էր Նապոլիի պատմության մեջ։ Վերջին անգամ նեապոլցիները չեմպիոն են դարձել 1989/90 մրցաշրջանում, երբ թիմում էր խաղում Մարադոնան: