Ես այդ հանձնաժողովի նկատմամբ վստահություն չունեմ, չեմ գնալու․ Տիրան Խաչատրյանը՝ 44-օրյայի քննիչ հանձնաժողովի մասին

15:45 • 08.05.23

Ես այդ հանձնաժողովի նկատմամբ վստահություն չունեմ:

Լրագրողների հետ զրույցում ասել է ՀՀ ԶՈՒ գլխավոր շտաբի պետի նախկին առաջին տեղակալ Տիրան Խաչատրյանը՝ հայտարարելով, որ չի ներկայանալու 44-օրյա պատերազմի հանգամանքներն ուսումնասիրող քննիչ հանձնաժողով․

«Եթե այդ հանձնաժողովում հավաքված է մի թիմ, որը շատ բաներում է մեղավոր, չեմ կարծում, թե դուրս կգան ու կբարձրաձայնեն իրենց մեղքը, իրենց չարածը կամ, առավել ևս, հանցագործությունները», - նշել է ԳՇ պետի նախկին տեղակալը:

Նրա գնահատմամբ՝  հանձնաժողովում հավաքված են ոչ մասնագետ, զինվորական գործից անտեղյակ մարդիկ։