Էրդողանն ընտրություններից 5 օր առաջ հայտարարել է 700 000 պետական ​​ծառայողի աշխատավարձերը 45%-ով բարձրացնելու մասին

14:26 • 09.05.23

Թուրքիայում պետական ծառայողների աշխատավարձը կբարձրանա գրեթե կիսով չափ, իսկ նվազագույն աշխատավարձը կկազմի 15 000 լիրա։  Այս մասին ընտրություններից հինգ օր առաջ հայտարարել է երկրի նախագահ Ռեջեփ Թայիփ Էրդողանը:

Ինչպես գրում է Anadolu-ն, նա այս մասին ասել է ասել է 2023 թվականի Հանրային կոլեկտիվ աշխատանքային պայմանագրի ստորագրման արարողության ժամանակ:

Էրդողանը մանրամասնել է, որ 700 000 պետական ծառայողի աշխատավարձերը կբարձրանան 45 տոկոսով:

Հիշեցնենք, որ մայիսի 14-ին Թուրքիայում կայանալու են  համապետական ընտրություններ: Նախագահի պաշտոնի գլխավոր հավակնորդներն են Էրդողանն ու ընդդիմադիր կոալիցիայի թեկնածու Քեմալ Քըլըչդարօղլուն: