Կոռնիձորում հանրահավաքը մեկնարկեց․ մասնակիցները դրոշներով ու պաստառներով քայլում են դեպի Հակարիի կամուրջ

14:06 • 20.05.23

Կոռնիձորում «Կամավորական շարժում» ՀԿ-ի կազմակերպած հանրահավաքը մեկնարկեց ՀԱԵ Սյունյաց թեմի հոգևորականների օրհնությամբ և Տերունական աղոթքով: Հանրահավաքի մասնակիցները երթով Կոռնիձոր գյուղից շարժվեցին դեպի Հայաստան-Արցախ սահման:

Այս պահին մասնակիցները դրոշներով ու Արցախը Հայաստանին կապող ճանապարհը բացելու կոչերով պաստառներով քայլում են դեպի Հակարիի կամուրջ։

ՀՀ ԱԺ «Հայաստան» խմբակցության պատգամավոր Քրիստինե Վարդանյանն իր ֆեյսբուքյան էջում հայտնել է, որ Ստեփանակերտից նույնպես երթով մարդիկ շարժվում են Կոռնիձորում հանրահավաք իրականացնող հայրենակիցներին ընդառաջ։