Խորհրդարանը Սերգեյ Աղինյանին ընտրեց Հանրային ծառայությունների կարգավորող հանձնաժողովի անդամի պաշտոնում

12:33 • 26.05.23

ՀՀ ազգային ժողովը փակ գաղտնի քվեարկությամբ ընտրեց Հանրային ծառայությունների կարգավորող հանձնաժողովի անդամ։

Ինչպես տեղեկացնում է «Արմենպրես»-ը, «Քաղաքացիական պայմանագիր» խմբակցությունը Հանրային ծառայությունների կարգավորող հանձնաժողովի անդամի պաշտոնում առաջադրել էր Սերգեյ Աղինյանի թեկնածությունը։

Քվեարկությունից հետո Հաշվիչ հանձնախմբի նախագահ Նարեկ Բաբայանը հայտնեց, որ ԱԺ 107 պատգամավորներից քվեարկությանը մասնակցել են 64-ը, որոնք բոլորն էլ կողմ էին քվեարկել Սերգեյ Աղինյանի թեկնածությանը: