Առնոլդ Շվարցենեգերը մեկնաբանել է վաղեմի ընկերոջ՝ Բրյուս Ուիլիսի մոտ բարդ հիվանդության ախտորոշումն ու դրանից հետո թոշակի անցնելը

Հոլիվուդյան մարտաֆիլմերի աստղ Առնոլդ Շվարցենեգերը մեկնաբանել է վաղեմի ընկերոջ՝ դերասան Բրյուս Ուիլիսի մոտ բարդ հիվանդության ախտորոշումն ու դրանից հետո դերասանական կարիերային վերջ տալու նրա որոշումը:

Ինչպես գրում է Daily Mail-ը, 68-ամյա Ուիլիսն անցած տարվա մարտին ընտանիքի միջոցով հայտարարել էր աֆազիայի ախտորոշման  մասին, ավելի ուշ նրա մոտ հայտնաբերվել էր նաև ճակատային ժամանակավոր դեմենցիա:

Պարբերականը մանրամասնում է, որ Բրյուս Ուիլիսն ու Առնոլդ Շվարցենեգերը ոչ միայն խաղընկերներ են, այլև վաղեմի ընկերներ: 75-ամյա Շվարցենեգերն ասել է, որ «Ուիլիսն ուղղակի ֆանտաստիկ է»:

«Նա տարիներ շարունակ մեծ, շատ մեծ աստղ էր: Հասկանում եմ, որ հանգամանքներով պայմանավորված, առողջական խնդիրների պատճառով, նա ստիպված էր թոշակի գնալ: Բայց ընդհանուր առմամբ մենք երբեք թոշակի չենք գնում: Մարտաֆիլմերի հերոսները վերաբեռնվում են», - ասել է նա: