Պուտինի «արտահերթ ուղերձի» տեսանյութը հաքերային հարձակման հետևանք է. Կրեմլ

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ համացանցում ՌԴ նախագահ Վլադիմիր Պուտինի «արտահերթ ուղերձի» տեսանյութը հաքերային հարձակման հետևանք է։ Այս մասին հայտնում է ՏԱՍՍ-ը։

Կրեմլի ներկայացուցչի խոսքով՝ ՌԴ ղեկավարի կողմից հաստատ ոչ մի ուղերձ չի եղել։ Նա նշել է, որ «Միր» ռադիոկայանում և որոշ ցանցերում միանշանակ հաքերային հարձակում է եղել։

«Հիմա այս ամենն արդեն վերացվել է, հսկողության տակ է վերցվել։ Ծառայություններն այժմ դա կարգավում են»,- ասել է Պեսկովը։