Ռուսաստանում դատարանը կալանավորել է 20 մարդու մահվան հանգեցրած «Միստեր Սիդր» ըմպելիքի մատակարար Անար Հուսեյնովին
Ուլյանովսկի Լենինյան շրջանային դատարանը քննել է Սամարայից գործարար, «Անդի» ընկերության (ՍՊԸ) սեփականատեր Անար Աֆաթօղլու Հուսեյնովին ձերբակալելու միջնորդությունը. վերջինս ձերբակալվել էր հունիսի 5-ին՝ ՌԴ մի քանի շրջաններում զանգվածային թունավորումների և մահվան դեպքերի հանգեցրած «Միստեր Սիդր» թույլ ալկոհոլային ըմպելիք մատակարարելու կասկածանքով։
Դատարանը երկու ամսով կալանավորել է գործարարին։
Երեքշաբթի մեղադրանք է առաջադրվել Անար Հուսեյնովին։ Նա մեղադրվում է անվտանգության պահանջներին չհամապատասխանող ծառայություններ մատուցելու համար, որոնք հանգեցրել են երկու կամ ավելի անձանց մահվան:
Անար Հուսեյնովն իրեն մեղավոր չի ճանաչել, հայտնում է «Կոմերսանտ»-ի աղբյուրը քննչական մարմիններում։
Հիշեցնենք, որ Ուլյանովսկի մարզում «Անդի» ընկերության մատակարարած «Միստեր Սիդեր» ըմպելիքի օգտագործումից մահացել է 20, թունավորվել 51 մարդ։










