Ֆրանսիայիում սիրիացի փախստականը դանակով հարձակվել է այգում խաղացող երեխաների վրա. կան վիրավորներ (լուսանկարներ)
Ֆրանսիայում սիրիացի փախստականը դանակով հարձակվել է խաղահրապարակում գտնվող երեխաների վրա՝ մի քանի հարված հասցնելով նրանցից չորսին, գրում է Daily Mail-ը:
Հարձակվողը 32-ամյա Աբդալմաշ Հ.-ն է, որը Ֆրանսիա է եկել նախորդ տարի: Նա հարձակումն իրականացրել է Ֆրանսիայի հարավարևելյան Էնեսի քաղաքի այգիներից մեկում՝ առավոտյան:
Նշվում է, որ հարձակվողը վազել է փոքր խաղահրապարակ ու մի քանի անգամ դանակով հարվածել մի փոքրիկի, մինչդեռ նրա սարսափած մայրը բղավել է ու փորձել պաշտպանել երեխային:
Հարձակման հետևանքով ծանր վնասվածքներ է ստացել մոտ երեք տարեկան չորս երեխա և մի մեծահասակ, որոնք այժմ ծայրահեղ ծանր վիճակում են:
Նշվում է, որ Աբդալմաշ Հ.-ն ամուսնացած է, երեք տարեկան երեխայի հայր է և հավատացյալ քրիստոնյա:
«Նա ամուսնացել է շվեդուհու հետ, նրանք երեխա ունեն: Նա օրինական ճանապարհով Ֆրանսիա է մտել Շվեդիայից անցյալ տարվա վերջին»,- ասել է հետաքննության աղբյուրը։
Աղբյուրը նշում է, որ Աբդալմաշ Հ.-ի մոտ ձերբակալման պահին աղոթագիրք և խաչ է եղել:














